ქართული წარმოშობის რუსი მწერლის, ბორის აკუნინის (გრიგორი ჩხარტიშვილის) წინააღმდეგ მოსკოვის პროკურატურამ სისხლის სამართლის საქმე აღძრა. მწერალს "უცხოელ აგენტებზე" რუსეთში მოქმედი კანონის დარღვევას დებენ ბრალად. ინფორმაციას რუსული სამთავრობო მედიასაშუალებები და პროპაგანდისტული არხები ავრცელებენ.

ბორის აკუნინი რუსეთში უცხოელ აგენტადაა გამოცხადებული. მოსკოვის პროკურატურის მიხედვით, აკუნინი ამ კანონს განმეორებითად არღვევს, ვინაიდან სტატიებს არ აწერს, რომ ისინი "უცხოელი აგენტის" მიერაა დაწერილი. აკუნინი, რომელიც რუსეთში აღარ ცხოვრობს, "ექსტრემისტთა და ტერორისტთა" რეესტრშიცაა შეყვანილი. რუსეთში იკრძალება ბორის აკუნინის წიგნების გაყიდვა და გამოცემა.

რუსეთში მის წინააღმდეგ აღძრულია სისხლის სამართლის საქმე გასულ წელსაც — იქიდან გამომდინარე, რომ აკუნინი უკვე დიდი ხანია, პუტინის პოლიტიკას აკრიტიკებს და რუსეთის უკრაინაში შეჭრას საჯაროდ ეწინააღმდეგება, ხელისუფლება ტერორიზმისკენ მოწოდებასა და რუსული ჯარის შესახებ ყალბი ინფორმაციის გავრცელებაში სდებს ბრალს.

რუსეთში პუტინის კრიტიკოსი არაერთი სხვა მწერალია დარეგისტრირებული "უცხოელ აგენტად":

იხილეთ ასევე: