საქართველოს კულტურისა და ძეგლთა დაცვის სამინსიტროს მხარდაჭერით, გამომცემლობა არტანუჯმა გამოსცა წიგნი „წერილები სტეფან ცვაიგს“. წიგნში თავმოყრილია გრიგოლ რობაქიძის მიერ ცვაიგისადმი გაგზავნილი წერილები.

წიგნის პრეზენტაცია საქართველოს პარლამენტის ეროვნული ბიბლიოთეკის საგამოფენო დარბაზში 17 ივნისს, 6 საათზე შედგება.

გრიგოლ რობაქიძის შვეიცარიული არქივი დაკარგულად მიიჩნეოდა, თუმცა, ნიუ-იორკში, ფრედონიის უნივერსიტეტის დანიელ რიდის ბიბლიოთეკაში, სტეფან ცვაიგის არქივში აღმოაჩინეს გრიგოლ რობაქიძის წერილები ცვაიგისადმი. მწერლების მეგობრობა 1928 წელს დაიწყო, მას შემდეგ რაც „გველის პერანგი" გერმანიაში დაიბეჭდა, სტეფან ცვაიგმა კი წიგნს წინასიტყვაობა გაუკეთა.

წერილები გერმანულიდან თარგმნა, წინასიტყვაობა და ბოლოსტიყვაობა გაუკეთა ნათია ფურცელაძემ.