ცესკოს თავმჯდომარე გიორგი კალანდარიშვილი ტაჯიკეთის არჩევნებს აკვირდებოდა, რომელიც ეუთო-ოდირის წარმომადგენლების და დამოუკიდებელი მედიასაშუალებების გარეშე ჩატარდა. ტაჯიკეთში საპარლამენტო არჩევნები 2 მარტს გაიმართა. ამის შესახებ ეხო კავკაზა წერს.

კალანდარიშვილის გარდა, ტაჯიკეთში ჩავიდნენ ყაზახეთის, ყირგიზეთის, უზბეკეთისა და თურქეთის ცენტრალური საარჩევნო კომისიების ხელმძღვანელები, ასევე დელეგაციები აზერბაიჯანიდან, სომხეთიდან, ბელორუსიიდან, ჩინეთიდან და თურქმენეთიდან. არჩევნებს დამოუკიდებელ სახელმწიფოთა თანამეგობრობის (დსთ) და შანხაის თანამშრომლობის ორგანიზაციის (SCO) სადამკვირვებლო მისიები აკვირდებოდნენ.

როგორც რადიო ოზოდი წერს, არჩევნებში მონაწილე არცერთ პარტიას ხელისუფლება არ გაუკრიტიკებია. წინასწარი მონაცემებით, ტაჯიკეთის მმართველმა სახალხო დემოკრატიულმა პარტიამ ხმების 51,9% მოიპოვა და ახალ პარლამენტში 12 ადგილი მიიღო.

ეხო კავკაზა წერს, რომ თებერვლის დასაწყისში ეუთო-ოდირმა გამოაცხადა, რომ არ დააკვირდებოდა ტაჯიკეთში მიმდინარე წლის საპარლამენტო არჩევნებს.

"საერთაშორისო დამკვირვებლების აკრედიტაციასთან დაკავშირებით ტაჯიკეთის ხელისუფლების მხრიდან გარანტიების ნაკლებობამ, სამწუხაროდ, გამოიწვია ქვეყანაში მომავალ საპარლამენტო არჩევნებზე დაკვირვების გაუქმების აუცილებლობა", — ნათქვამია ეუთო-ოდირის განცხადებაში.

1990-იანი წლებიდან ეუთოს მისია აკვირდებოდა ტაჯიკეთის არჩევნებს და თანმიმდევრულად თვლიდა მათ არათავისუფალ, არადემოკრატიულ და საერთაშორისო სტანდარტებთან შეუსაბამოდ.

ტაჯიკეთის ხელისუფლებამ ასევე უარი თქვა ადგილობრივ დამოუკიდებელ და საერთაშორისო მედიასაშუალებების, მათ შორის რადიო ოზოდის, BBC-ის, Asia Plus-ის და სხვათა აკრედიტაციაზე. ცენტრალურმა საარჩევნო კომისიამ რეკომენდაცია მისცა, რომ ჟურნალისტებმა გამოიყენონ ინფორმაცია აკრედიტებული მედიასაშუალებებიდან ან კომისიის ოფიციალური ვებგვერდიდან. არჩევნების გაშუქების უფლება მხოლოდ ტაჯიკეთის და ზოგიერთ რუსულ სახელმწიფო მედიასაშუალებას მიეცა.

ქართულმა ოპოზიციამ და ქვეყნის მეხუთე პრეზიდენტმა სალომე ზურაბიშვილმა 2024 წლის 26 ოქტომბრის საპარლამენტო არჩევნების შემდეგ გიორგი კალანდარიშვილი გააკრიტიკეს და კენჭისყრის შედეგების გაყალბებასა და მმართველი პარტია ქართული ოცნების დახმარებაში დაადანაშაულა. თავად კალანდარიშვილმა უარყო ეს ბრალდებები და განაცხადა, რომ არჩევნები საერთაშორისო სტანდარტებს შეესაბამებოდა და სერიოზული დარღვევები არ დაფიქსირებულა.

მეტი გიორგი კალანდარიშვილზე:

ცესკოში ხელფასები იზრდება — გიორგი კალანდარიშვილის თანამდებობრივი სარგო 12 410 ლარი იქნება

ცესკოს თავმჯდომარემ ქონებრივი დეკლარაცია შეავსო - მისი წლიური ანაზღაურება 162,000 ლარია

გიორგი კალანდარიშვილი პროკურატურაში გამოკითხვაზე მივიდა

გიორგი კალანდარიშვილი: მყისიერად მოვედი პროკურატურაში და მათ მივაწვდი ყველა ჩემ ხელთარსებულ ინფორმაციას, რომელიც მნიშვნელოვანი იქნება გამოძიებისთვის

გიორგი კალანდარიშვილს 6-საათიანი გამოკითხვის შემდეგ, კომენტარი არ გაუკეთებია

ცესკო საერთაშორისო ორგანიზაციებს და დიპლომატიურ კორპუსს მოუწოდებს, რომ გიორგი კალანდარიშვილისთვის შავი საღებავი შესხმა უყურადღებოდ არ დატოვონ

შსს-მ გიორგი კალანდარიშვილისათვის საღებავის შესხმის ფაქტზე გამოძიება დაიწყო