16 წლიანი პაუზის შემდეგ, 2026 წლის 23 დეკემბერს, Shrek-ის მეხუთე ნაწილი გამოჩნდება კინოთეატრებში. ცნობისთვის, Shrek 5-ის მსახიობთა გუნდს ზენდაია შეუერთდა. ცნობილი მსახიობი შრეკისა და ფიონას ქალიშვილს გაახმოვანებს. როგორც ცნობილია, ფილმის ახალ ნაწილში ჩვენს საყვარელ პერსონაჟებს კვლავ მაიკ მაიერსი, ედი მერფი და კამერონ დიაზი ითამაშებენ.

აღსანიშნავია, რომ სიუჟეტის შესახებ ჯერ არაფერია ცნობილი, თუმცა ცოტა ხნის წინ ინტერნეტ სივრცეში ფილმის პირველი თიზერი გამოჩნდა. 30 წამიანმა ვიდეომ გულშემატკივრებში დიდი მითქმა-მოთქმა გამოიწვია. ყველაზე აქტიურად მაყურებელი შრეკის ახალ ვიზუალს აკრიტიკებს.

როგორც ახასიათებენ, შრეკის ახალი ვიზუალი ოდნავ უფრო ფოტორეალისტურია, უფრო მეტად შეესაბამება თანამედროვე ფილმების ვიზუალს. მას შემდეგ, რაც შრეკის ბოლო ნაწილი გამოვიდა დიდ ეკრანზე, კინოინდუსტრია ახალი ტექნოლოგიების შესაბამისად შეიცვალა. როგორც ჩანს, შრეკი 5-ის შემქმნელები დროს არ ჩამორჩნენ.

DreamWorks-ის ერთ-ერთი ყველაზე ცნობილი ანიმაციური ფრენჩაიზი, შრეკი, უილიამ სტეიგის 1990 წლის წიგნის მიხედვითაა შექმნილი. ფრენჩაიზი 2001 წლის ფილმით დაიწყო, რომელმაც მაყურებელს შრეკი გააცნო, კაციჭამია, რომელსაც პრინცესა ფიონას გადარჩენა მოუწევს. ფილმი გახდა პირველი ოსკარის მფლობელი ანიმაციური ფილმების კატეგორიაში. ორიგინალის წარმატებამ გზა გაუხსნა შრეკის მომდევნო ნაწილებს და დღეს საკულტო ანიმაციის გაგრძელებას ყველა მოუთმენლად ველით.