ნეტგაზეთის ცნობით, ბათუმელებისა და ნეტგაზეთის უკანონოდ დაკავებული დამფუძნებელი, მისი მოთხოვნის შესაბამისად, კლინიკა "ვივამედიდან" ციხეში დააბრუნეს.

თავდაპირველი ინფორმაციით, მზია ამაღლობელი ციხეში 26 თებერვალს უნდა გადაეყვანათ, რადგან კლინიკიდან სწორედ ამ დღეს გაწერეს. დღეს, მზია ამაღლობელის ადვოკატმა ჯუბა ქათამაძემ განაცხადა, რომ ჟურნალისტი პენიტენციურ დაწესებულებაში გადაყვანილი ჯერ ისევ არ იყო.

მზია ამაღლობელი, პროტესტის ნიშნად, დაკავების დღიდან 38 დღის განმავლობაში შიმშილობდა. ის კვლევების ჩატარების მიზნით ციხიდან კლინიკა "ვივამედში" 4 თებერვალს გადაიყვანეს და ამ დრომდე იქ რჩებოდა. ამაღლობელმა 38-დღიანი შიმშილობა 18 თებერვალს შეწყვიტა.