მექსიკის სამხრეთ-დასავლეთ სანაპიროსთან, მექსიკა-გვატემალას საზღვართან ახლოს, წყნარ ოკეანეში, რამდენიმე საათის წინ 8,1 მაგნიტუდის სიმძლავრის მიწისძვრა დაფიქსირდა. CNN-ის ცნობით, მიწისძვრის ეპიცენტრი დედაქალაქ მეხიკოდან ათასი კილომეტრის მოშორებით იყო, თუმცა ძლიერი ბიძგები მაინც იგრძნობოდა.

მიწისძვრის შემდეგ ჩაირთო ცუნამის განგაშის სიგნალი, საჭირო გახდა სანაპირო ზოლში მცხოვრები მოსახლეობის ევაკუაცია. მექსიკის გარდა, ძლიერი ბიძგები იგრძნობოდა გვატემალასა და სალვადორში.

როგორც ეპიცენტრთან ყველაზე ახლოს მყოფმა თვითმხილველებმა მედიას განუცხადეს, ბიძგები ერთი წუთის განმავლობაშ გრძელდებოდა, ქუჩებში იყო პანიკა.

მიწისძვრის შედეგად სამხრეთ რეგიონებში დაზიანდა შენობები, გარდაცვლილია რამდენიმე ადამიანი, თუმცა საბოლოო ცნობები ზიანისა და მსხვერპლის შესახებ, მოგვიანებით გახდება ცნობილი.