საქართველოს იუსტიციის მინისტრის, თეა წულუკიანის მტკიცებით, ექს პრეზიდენტ მიხეილ სააკაშვილის ექსტრადაციის საკითხთან დაკავშირებით საქართველოს უკრაინულმა მხარემ მიმართა:

"უკრაინულმა მხარემ იკითხა რამდენიმე დღის წინ, რომ ის დოკუმენტაცია და ექსტრადიციის მოთხოვნები იყო, თუ არა დღესაც ძალაში, რაზეც პასუხი მიიღო საქართველოს პროკურატურისგან, რომ დიახ, ის მოთხოვნები, არის დღესაც ძალაში და კიდევ ერთხელ თავის დაზღვევის მიზნით გადაიგზავნა იგივე დოკუმენტები, რაც ადრე იყო გაგზავნილი."

5 სექტემბერს, უკრაინის იუსტიციის მინისტრმა, სერგეი პეტუხოვმა პრესკონფერენციაზე განაცხადა, რომ საქართველოს პროკურატურამ უკრაინის იუსტიციის სამინისტროსა და გენერალურ პროკურატურას სააკაშვილის მოძებნის, დაკავებისა და ექსტრადაციის მოთხოვნით კიდევ ერთხელ მიმართა. დღეს, 7 სექტემბერს თეა წულუკიანმა განაცხადა, რომ უკრაინამ სააკაშვილის ექსტრადიციისთვის პროცედურა განაახლა.

მოქალაქეობის გარეშე დარჩენილი საქართველოს ექს პრეზიდენტი და ოდესის ყოფილი გუბერნატორი, მიხეილ სააკაშვილი უკრაინაში დაბრუნებას 10 სექტემბერს პოლონეთიდან გეგმავს. ამჟამად ის ბრიუსელში იმყოფება და ევროპარლამენტარებს ხვდება.