შპს ფასანაური 2010-ის დირექტორი ი. ბ. და ი/მ თეონა ბუხრაძის ხელმძღვანელი, ნ.ბ. ფალსიფიკაციის, ადამიანის სიცოცხლისა და ჯანმრთელობისათვის საშიში პროდუქციის დამზადება - რეალიზაციის ფაქტზე, ფინანსთა სამინისტროს საგამოძიებო სამსახურმა, სისხლის სამართლის პასუხისგებაში მისცა.

საგამოძიებო სამსახურის ცნობით, გამოძიებით დადგინდა, რომ ბრალდებულები, სანიტარული ნორმების დარღვევით, კუსტარულად მოწყობილ საწარმოებში ახდენდნენ ჯანმრთელობისთვის საშიში, ფალსიფიცირებული ნახევარფაბრიკატების - კატლეტის, აფხაზურას, ხინკლის, ტოლმის, ბლინის, ფარშისა და ქაბაბის დამზადებას და შემდგომში მის რეალიზაციას.

საქმეზე მიმდინარეობს საგამოძიებო მოქმედებები, საქართველოს სისხლის სამართლის კოდექსის 197-ე და 198-ე მუხლით, რაც სასჯელის სახით ითვალისწინებს თავისუფლების აღკვეთას 3-დან 5 წლამდე ვადით.