საქართველოს საკალათბურთო ნაკრებმა ევროპის ჩემპიონატზე ჯგუფური ეტაპის ბოლო შეხვედრა იტალიასთან გამართა და 71:69 დამარცხდა.

შეხვედრის პირველი მეოთხედი იტალიის ნაკრების სრული დომინირებით წარიმართა. პირველი მეოთხედი ანგარიშით 27:10 დასრულდა, იტალიის ნაკრების სასარგებლოდ.

მატჩის მეორე მეოთხედში საქართველოს ნაკრებმა თამაში საგრძნობლად გამოასწარა, რაც ანგარიშზეც აისახა. სხვაობა 17 ქულიდან რვა ქულამდე შემცირდა. საქართველოს ნაკრებმა მეორე მეოთხედი ანგარიშით 20:11 მოიგო.

დიდ შესვენებამდე ანგარიში 38:30 იტალიის ნაკრების სასარგებლოდ დაფიქსირდა.

შეხვედრის მესამე მეოთხედი იტალიის ნაკრების უპირატესობით მიმდინარეობდა და სხვაობა 11 ქულამდე გაიზარდა. მესამე მეოთხედი ანგარიშით 57:49 დასრულდა.

მატჩის ბოლო მეოთხედი გარდამავალი უპირატესობით წარიმართა. მეოთხედის დასასრულს საქართველოს ნაკრებმა მოახერხა სხვაობას შემცირება და მატჩის დასრულებამდე ერთი წუთით ადრე ერთიქულიან უპირატესობასაც ფლობდა, თუმცა ამ უპირატესობის შენარჩუნება ვერ მოახერხეს და საბოლოოდ მატჩი ანგარიშით 71:69 იტალიის ნაკრების გამარჯვებით დასრულდა.

საქართველოს ნაკრები კვლავ ინარჩუნებს ჯგუფიდან გასვლის შანსს. ამისთვის აუცილებელია ისრაელის ნაკრებმა უკრაინასთან გამარჯვება მოიპოვოს.