აშშ-ს ყოფილი პრეზიდენტი, ბარაკ ობამა იმიგრაციის სამთავრობო პროგრამა DACA-ს გაუქმებას ფეისბუკზე გამოეხმაურა და აღნიშნა, რომ ახალგაზრდები ამერიკელები არიან, თუმცა საბუთის გარეშე:

"საუბარია ახალგაზრდებზე, რომლებიც აშშ-ში გაიზარდნენ, რომლებიც ჩვენს სკოლებში სწავლობენ, ახალგაზრდებზე, რომლებიც იწყებენ კარიერას, პატრიოტებზე, რომლებიც ჩვენი დროში ერთგულნი არიან. "მეოცნებენი" (Dreamers) არიან ამერიკელები საკუთარ გულებში, გონებაში, ყველა არჩეულ მიმართულებაში გარდა ერთისა: ისინი არ არიან ამერიკელები ქაღალდზე. ისინი მშობლებმა ჩამოიყვანეს, ზოგიერთი ჯერ კიდევ ჩვილი იყო. მათ, შეიძლება, ჩვენი ქვეყნის გარდა სხვა ქვეყანა არც კი იცოდნენ. შეიძლება, მათ ინგლისურის გარდაც კი არ იცოდნენ სხვა ენა. ისინი ხშირად ვერც ეჭვობენ იმას, რომ დოკუმენტები არ აქვთ მანამ, სანამ სამსახურში ან კოლეჯში, ან მართვის მოწმობაზე განაცხადს არ შეიტანენ."

ობამას თქმით, მისი ადმინისტრაცია ბევრს მუშაობდა, რათა ამ ახალგაზრდებისთვის "დეპორტაციის ჩრდილი მოეშორებინა", რომ შემდგომში მათ "ქვეყნის განვითარებისთვის შეეწყოთ ხელი":

"ნათელი მოვფინოთ ყველაფერს: დღევანდელი ქმედებები იურიდიულად საჭირო არაა. ეს პოლიტიკური გადაწყვეტილება და მორალური კითხვაა. როგორი პრობლემები და პრეტენზიებიც არ უნდა ჰქონდეთ ამერიკელებს იმიგრაციის მიმართ, ჩვენ არ უნდა ვუქმნიდეთ საფრთხე მომავალს ახალგაზრდების იმ ჯგუფის, რომლებიც აქ ნების გარეშე არიან, რომლებიც საფრთხეს არ წარმოადგენენ, რომლებსაც ჩვენი დარჩენილი ნაწილისგან არაფერი მიაქვთ... მათი თავიდან მოშორებით უმუშევრობა არ დაიწევს, ვინმეს გადასახადები არ შეუმსუბუქდება და ამით ვინმეს ხელფასი არ მოემატება."

ექს-პრეზიდენტის განცხადებით, ამ ახალგაზრდებზე პასუხისმგებლობა ახლა კონგრესს ეკისრება და კონგრესმა უნდა დაიცვას ისინი და ამასთანავე ამბობს, რომ ამ DACA-ს გაუქმებას ამერიკელი ხალხიც ეწინააღმდეგება:

"საუბარია იმაზე, რომ ვართ კი ის ადამიანები, რომლებიც ამერიკიდან მებრძოლ ახალგაზრდებს აგდებენ, თუ ისინი ვინც მოვექცევით ისე, როგორც ვექცევით ჩვენს შვილებს. საუბარია ვინ ვართ ჩვენ და ვინ გვინდა, რომ ვიყოთ.

რა გვხდის ამერიკელებად, არაა კითხვა იმაზე, თუ როგორ გამოვიყურებით ან საიდან წარმოშვა ჩვენი სახელები, ან როგორ ვლოცულობთ. ის, რაც გვხდის ამერიკელებად არის იდეალების ერთგულება - ყველა ჩვენგანი დაიბადა თანასწორი; ჩვენ ყველას გვაქვს შანსი გავაკეთო ცხოვრებაში ის, რაც გვსურს გავაკეთოთ; ვიზიარებთ ვალდებულებას ავდგეთ, განვაცხადოთ სათქმელი და შემდეგი თაობისთვის ყველა ღირებულება უზრუნველყოთ. ასე განვითარდა ამერიკა. ასე თუ გავაგრძელებთ საბოლოოდ უფრო მყარს კავშირს მივიღებთ."

შეერთებული შტატების პრეზიდენტმა დონალდ ტრამპმა 5 სექტემბერს საიმიგრაციო პროგრამა DACA-ს გაუქმების შესახებ განკარგულება გამოსცა. DACA პრეზიდენტ ობამას დროს დამტკიცებული სამთავრობო პროგრამის მოკლე სახელია, რომელიც ამერიკაში მცირეწლოვან ასაკში ჩამოყვანილ, დაახლოებით 800 ათასამდე უსაბუთო ახალგაზრდა იმიგრანტს დეპორტაციისგან იცავდა.