"ვაცის ნადიმი" იმაზეა, თუ როგორია ყველა დიქტატორის, ტოტალიტარის და ტირანის ბოლო. ზოგადად, ასეა — ბოლოს ყველა ტოვებს დიქტატორს და მარტოობაში კვდება", — ამ სიტყვებით მიმართა ბრალდებულმა რევაზ კიკნაძემ მოსამართლე ლელა ცაგარეიშვილს მიმართა. მისი თქმით, მას პროცესზე ამ წიგნის შემოტანა სურდა და არ შემოატანინეს.

"სანამ აქ შემოვიდოდი, წიგნი უნდა წამომეღო მარიო ვარგას ლიოსას "ვაცის ნადიმი". რატომღაც არ შემომატანინეს და თქვენი აზრით, რატომ არ შემომატანინეს?! ყველა წიგნის უკანა გვერდზე წერია განმარტება და ამ წიგნის უკანა გვერდზე განმარტებაშიც ნახსენებია სიტყვა "დიქტატორი".

"ვაცის ნადიმი" იმაზეა, თუ როგორია ყველა დიქტატორის, ტოტალიტარის და ტირანის ბოლო. ზოგადად, ასეა- ბოლოს ყველა ტოვებს დიქტატორს და მარტოობაში კვდება… "ცეცხლი ოლიგარქიას", "რევოლუციამ არ შეგაშინოს, ძვირფასო მკითხველო" - ილია ჭავჭავაძე. მონობას არასდროს ერქმევა მშვიდობა. ქართველი რუსს ყოველთვის სისხლის ბოლომდე… ყოველთვის ასე იქნება", — თქვა რევაზ კიკნაძემ.

რევაზ კიკნაძეს შსს 25 ნოემბრის საპროტესტო აქციაზე ჯგუფურ ძალადობაში მონაწილეობას ედავება. ის დაკავებისთანავე აცხადებდა, რომ პოლიცია ცრუ ჩვენების მიცემას აიძულებდა, რაც მან შიმშილობით გააპროტესტა. ის ერთ-ერთია იმ ადამიანებს შორის, ვინც საპროტესტო აქციების დაწყების — 28 ნოემბრი, შემდეგ სისხლის სამართლის წესითაა დაკავებული.