ვასილ ივანოვ-ჩიქოვანი "მოამბის" 6-საათიანი გამოშვების წამყვანი აღარ არის. დღეს მის მაგივრად საინფორმაციო გამოშვება მარიამ შავაძეს მიჰყავდა.

მისი თქმით, მენეჯმენტმა აცნობა, რომ 4 თებერვლიდან — "არსებული გართულებული ვითარების ნორმალიზებამდე, დროებით აღარ დაევალება საინფორმაციო გამოშვება მოამბეს წამყვანის ფუნქციის შესრულების ვალდებულება".

"მე აღარ მიმყავს მოამბე 18:00 საათზე.

ოფიციალური პოზიცია —

"როგორც თქვენთვის ცნობილია, დღეს გამართულ სამეურვეო საბჭოს სხდომაზე "მოამბის" პროდიუსერებმა, თქვენს მიერ საჯაროდ (მათ შორის ეთერში) გაკეთებულ განცხადებებთან დაკავშირებით, დააფიქსირეს საკუთარი პოზიცია და თქვენთან, როგორც "მოამბე"-ს წამყვანთან, მუშაობის გაგრძელებაზე განაცხადეს უარი.

აღნიშნული გარემოების გათვალისწინებით, თანამშრომელთა შორის არსებული და შესაძლო სამომავლო დისკომფორტის, დაძაბული და არაჯანსაღი სამუშაო გარემოს შექმნის/გაუარესების საფრთხის თავიდან აცილების, ასევე მაუწყებლის კანონისმიერი ვალდებულებების შესრულების უზრუნველყოფის მიზნით, გაცნობებთ, რომ მიმდინარე წლის 4 თებერვლიდან, არსებული გართულებული ვითარების ნორმალიზებამდე, დროებით აღარ დაგევალებათ საინფორმაციო გამოშვება "მოამბე"-ს წამყვანის ფუნქციის შესრულების ვალდებულება", — წერს ვასილ ივანოვ ჩიქოვანი Facebook-ზე და აქვეყნებს წერილს, რომელიც მენეჯმენტისგან მიიღო.