3-4 თებერვალს საქართველოს ევროპის საბჭოს ადგილობრივი და რეგიონული ხელისუფლების ორგანოთა კონგრესის საპრეზიდენტო დელეგაცია ეწვევა.

მისიის მიზანია არსებული პოლიტიკური ვითარების ფონზე ადგილობრივი ხელისუფლების წინაშე მდგარი გამოწვევების შეფასება, განსაკუთრებით, მომავალი ადგილობრივი არჩევნების კონტექსტში.

"ვიზიტი არ უნდა იქნას აღქმული როგორც ლეგიტიმაციისა და მხარეთა შეხედულებების პოლიტიკური მხარდაჭერა. ცოტა ხნის წინ კონგრესის პრეზიდენტმა საარჩევნო კოდექსში დაგეგმილი ცვლილებების შესახებ ვენეციის კომისიას მოსაზრების მომზადება სთხოვა, ვინაიდან ამ ცვლილებებმა შესაძლოა ხელი შეუწყო პროპორციული სისტემის შესუსტებას და მუნიციპალიტეტების საკრებულოებში უმრავლესობის გაძლიერებას", — ნათქვამია ვიზიტთან დაკავშირებით კონგრესის მიერ გავრცელებულ პრესრელიზში.

დელეგაცია, კონგრესის პრეზიდენტ მარკ კულსის, რეგიონების პალატის პრეზიდენტ სესილია დალმან-ეეკის და ადგილობრივი თვითმმართველობის პალატის პრეზიდენტ ბერნდ ვოჰრინგერის შემადგენლობით, შეხვედრებს გამართავს საქართველოს ადგილობრივი ხელისუფლების წარმომადგენლებთან და ყველა ძირითად პოლიტიკურ პარტიასთან. დელეგაციას თან ახლავს კონგრესის გენერალური მდივანი მეთიუ მორი.