ოცნების პრემიერმინისტრი ირაკლი კობახიძე 30 იანვარს სომხეთის რესპუბლიკას ეწვევა.

ვიზიტის ფარგლებში კობახიძე პირისპირ შეხვდება სომხეთის რესპუბლიკის პრემიერმინისტრ ნიკოლ ფაშინიანს და ორი ქვეყნის ეკონომიკური თანამშრომლობის მთავრობათაშორისი კომისიის სხდომას გამართავენ.

კომისიის სხდომის დასრულების შემდეგ ირაკლი კობახიძე და ნიკოლ ფაშინიანი მედიისთვის ერთობლივ განცხადებებს გააკეთებენ.

ირაკლი კობახიძე ერევანში დელეგაციასთან ერთად ეწვევა, რომლის შემადგენლობაში პირველი ოცნების ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი, ოცნების საგარეო საქმეთა მინისტრი მაკა ბოჭორიშვილი, ოცნების რეგიონული განვითარებისა და ინფრასტრუქტურის მინისტრი ირაკლი ქარსელაძე, ოცნების გარემოს დაცვისა და სოფლის მეურნეობის მინისტრი დავით სონღულაშვილი, ოცნების ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი მიხეილ სარჯველაძე და ოცნების მთავრობის ადმინისტრაციის უფროსი ლევან ჟორჟოლიანი არიან.