23 იანვარს, სომხეთის გენერალურმა პროკურატურამ სომხეთის ყოფილი თავდაცვის მინისტრს, სეირან ოჰანიანის სამსახურებრივი უფლებამოსილების გადამეტების შესახებ ახალი ბრალდებები წარუდგინა. საქმე ეხება 2008 წელს სომხეთის შეიარაღებული ძალების გენერალური შტაბის უფროსი თანამდებობაზე ყოფნის პერიოდს.

იმ შემთხვევაში, თუ ოჰანიანს დამნაშავედ ცნობენ, მას შეიძლება სამიდან რვა წლამდე პატიმრობა დაემუქროს.

ოჰანიანისა და ყოფილი მაღალჩინოსნების წინააღმდეგ საქმე 2018 წელს, ხავერდოვანი რევოლუციის და ნიკოლ ფაშინიანის ხელისუფლებაში მოსვლის შემდეგ გაიხსნა.

ბრალი ოთხ ყოფილ მაღალჩინოსანს — ყოფილ პრეზიდენტ რობერტ ქოჩარიანს, თავდაცვის მინისტრის მოადგილეს, იური ხაჩატუროვს, შეიარაღებული ძალების გენერალური შტაბის უფროსს, სეირან ოჰანიანი და პრეზიდენტის შტაბის უფროსი არმენ გევორგიანი 2018 წელის ივლისში წაუყენეს.

აღნიშნული ბრალდება დაკავშირებულია 2008 წლის საპრეზიდენტო არჩევნებზე მასშტაბური გაყალბების გამო გამოწვეულ ანტი-სამთავრობო აქციებს, რის დროსაც ათი ადამიანი დაიღუპა. საპროტესტო აქციის ერთ-ერთი ლიდერი იყო პაშინიანი, რომელსაც შვიდი წლით თავისუფლების აღკვეთა ჰქონდა მისჯილი.

მათ ბრალი 2021 წლის მარტში მას შემდეგ მოუხსნეს, რაც სომხეთის საკონსტიტუციო სასამართლომ გამოაცხადა, რომ არაკონსტიტუციური იყო ყოფილ თანამდებობის პირებზე ბრალი "კონსტიტუციური წესრიგის დამხობისთვის" წაეყენებინათ, რის შედეგადაც საქმე დაიხურება.

თუმცა 2024 წლის სექტემბერში, სასამართლოს გადაწყვეტილება გააუქმეს და ის ხელახლა განსახილველად ანტიკორუფციულ სასამართლოში გადააგზავნეს.

2024 წლის ნოემბერში პროკურორებმა დააყენეს წინადადება, რომ ქოჩარიანისა და დანარჩენი მაღალჩინოსნებისთვის ბრალი სამსახურებრივი უფლებამოსილების გადამეტებისა და ბოროტად გამოყენებისათვის წაეყენებინათ.

მანამდე, პროკურორებმა მხოლოდ ქოჩარიანისა და ხაჩატუროვის წინააღმდეგ წარმოადგინეს ბრალდებები, ხოლო 23 იანვარს, პროკურორებმა ბრალდება სეირან ოჰანიანის წინააღმდეგ წარადგინეს. არმენ გევორგიანის წინააღმდეგ ბრალდება ჯერ არაა წარდგენილა.

მანამდე ანტიკორუფციული სასამართლოს მოსამართლემ, სარგის პეტროსიანმა 2024 წელს მოითხოვა შუამდგომლობაზე უარის თქმა, რადგან 2018 წლის საპარლამენტო არჩევნებში იგი ფაშინიანის პარტია "ჩემი ნაბიჯის" კანდიდატი იყო, რასაც შეიძლება ეჭვები გაეჩინა მის ობიექტურობაზე.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.