ევროკავშირის საგარეო საქმეთა მინისტრები დღეს საქართველოს საკითხს განიხილავენ. სხდომას ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში კაია კალასი უხელმძღვანელებს. შეხვედრა თბილისის დროით 13:00 საათზე დაიწყება.

ევროკავშირის საგარეო საქმეთა მინისტრები უკრაინის წინააღმდეგ რუსეთის აგრესიას უკრაინის საგარეო საქმეთა მინისტრ ანდრეი სიბიგასთან განიხილავენ, რომელიც მათ
ვიდეოკონფერენციის საშუალებით ჩაერთვება.

სხვა განსახილველ საკითხებს შორისაა ევროკავშირისა და აშშ-ს ურთიერთობები და ახლო აღმოსავლეთში, მათ შორის სირიაში განვითარებული მოვლენები.

ევროსაბჭოს ვებგვერდზე ნათქვამია, რომ საგარეო საქმეთა საბჭოს მიმდინარე მოვლინების განხილვისას ფოკუსი ექნება უსაფრთხოებისა და თავდაცვის სფეროში სწრაფად ცვლად ვითარებაზე.