ურჩევნიათ ყურადღება სხვა რამეზე გადაგატანინონ და არავინ დაძრას კრინტი სიღარიბეზე, აქ ამ ქვეყანაში 600 000 ადამიანზე მეტი იღებს სოციალურ დახმარებას, ამ ქვეყნისთვის წარმოუდგენლად მაღალი ციფრია, — ამის შესახებ მსახიობმა ნანკა კალატოზიშვილმა "ახალი თეატრის" წინ მოწყობილ სცენაზე განაცხადა, სადაც ამ წუთებში თეატრის მსახიობები ახალი თეატრის მანიფესტს წარმოადგენენ.

"ურჩევნიათ ყურადღება სხვა რამეზე გადაგატანინონ და არავინ დაძრას კრინტი სიღარიბეზე, აქ ამ ქვეყანაში 600 000 ადამიანზე მეტი იღებს სოციალურ დახმარებას, ამ ქვეყნისთვის წარმოუდგენლად მაღალი ციფრია. აქ, ამ ქვეყანაში იღებენ კანონებს, რომელიც ყველა ჩვენგანის დადუმებას ისახავს მიზნად, არადა როგორ უნდა დადუმდეს ყოველი მე-8 მოქალაქე, რომელიც სიღარიბის მიღმაა, აქ ამ ქვეყანაში პენსიონერს პენსიას 35 ლარით უზრდიან და მადლობას ელიან, მაშინ როცა თავად 1000-ებასც არ სჯერდებიან. აქ ამ ქვეყანაში ბავშვი შემწეობად 200 ლარს, თუმცა პრემიერმინისტრი 14600 ლარამდე იზრდის ხელფასს", — თქვა მსახიობმა ნანკა კალატოზიშვილმა.

ვასო აბაშიძის სახელობის ახალი თეატრის სამხატვრო ხელმძღვანელის დავით დოიაშვილის თქმით, თეატრი რეგიონებში იწყებს გასვლას და ყველასთან მივლენ და ყველას ეტყვიან სიმართლეს.

"რაც არ უნდა დააბნელოთ მთელი ქალაქი, სცენაზე შუქი აინთება და იქ ჩვენ ვიქნებით! ახალი თეატრი გადის რეგიონებში. ყველგან მივალთ — ნახავთ, რა შეუძლია თეატრს! გავალთ და დაველაპარაკებით ყველას, სდიეთ ქართლ თეატრს", – განაცხადა დავით დოიაშვილმა.