ჩრდილოეთ კორეის ტელევიზიამ წყალბადის ბომბის წარმატებულ ცდაზე განცხადება გაავრცელა, წერს BBC. ტელევიზიის მიერ გავრცელებულ კადრებში ჩანს, რომ ჩრდილოეთ კორეის ლიდერი კიმ ჩენ ინი ხელს აწერს ბრძანებას იარაღის გამოცდის შესახებ.

იაპონიის საგარეო საქმეთა მინისტრმა დაადასტურა და განაცხადა, რომ ფხენიანმა ბირთვული იარაღის რიგით მეექვსე ცდა ჩაატარა.

ფხენიანის ქმედებას აშშ-ის პრეზიდენტი დონალდ ტრამპი ტვიტერზე გამოეხმაურა:

სეისმოლოგებმა ჩრდილოეთ კორეაში 6.3 მაგნიტუდის სიმძლავრის მიწისძვრა დააფიქსირეს. მათი თქმით, მიწისძვრა ხელოვნურად იყო გამოწვეული, რადგან ბიძგები მიწის ზედაპირიდან მოდიოდა, ამიტომ ისინი აფეთქებად შეფასდა.

ჩრდილოეთ კორეამ პირველად ატომური იარაღის გამოცდის შესახებ 2006 წელს გაავრცელა ინფორმაცია. ამის შემდეგ მათ კიდევ ოთხი ცდა ჩაატარეს.

2017 წელი ჩრდილოეთ კორეის სარაკეტო პროგრამისთვის ძალიან წარმატებული აღმოჩნდა. ქვეყანამ თებერვლის შემდეგ, ტექნოლოგიის დასახვეწად, 14 ტესტის ფარგლებში, 21 რაკეტა გამოსცადა.