ამ წუთებში აშშ-ის კაპიტოლიუმის შენობაში პრეზიდენტის ინაუგურაციის ცერემონია მიმდინარეობს.

აშშ-ს არჩეულმა პრეზიდენტმა, დონალდ ტრამპმა ფიცი დადო, რის შემდეგაც ის ამერიკის შეერთებული შტატების 47-ე პრეზიდენტი გახდა. საზეიმო ფიცი დადო ვიცე-პრეზიდენტმა, ჯეი დი ვენსმაც.

კაპიტოლიუმის შენობაში აშშ-ის არჩეული პრეზიდენტის, დონალდ ტრამპის ინაუგურაციას 2 600-მდე ადამიანი ესწრება.

ტრამპის ინაუგურაციას კაპიტოლიუმის როტონდაში 800-მდე ადამიანი ესწრება, კიდევ 1 300 სტუმარი კაპიტოლიუმის თავისუფლების დარბაზშია, 500 ადამიანი – ვიზიტორთა ცენტრის თეატრში.

ფიცის დადების ცერემონია, კაპიტოლიუმის კიბეების ნაცვლად, დღეს კაპიტოლიუმის როტონდაში იმართება. ამის მიზეზი ვაშინგტონში ძლიერი ყინვა გახდა. კაპიტოლიუმის შენობაში ფიცის დადების ცერემონია უკანასკნელად 1985 წელს, რონალდ რეიგანის ინაუგურაციის დროს ჩატარდა.