"საქართველოს საერთაშორისო პარტნიორებმა უნდა მოითხოვონ დამოუკიდებელი გამოძიება ხელისუფლების მიერ მშვიდობიანი ანტისამთავრობო საპროტესტო აქციების ძალადობრივი ჩახშობის გამო და განიხილონ მიზანმიმართული, ინდივიდუალური სანქციების დაწესება იმ ოფიციალური პირების მიმართ, რომლებიც პასუხისმგებელნი არიან მშვიდობიანი მომიტინგეების მიმართ ძალადობრივ შეურაცხყოფაზე", — ნათქვამია Human Rights Watch-ის ანგარიშში, რომელიც დღეს, 16 იანვარს გამოქვეყნდა.

HRW წერს,რომ 26 ოქტომბრის სადავო საპარლამენტო არჩევნებიდან ერთი თვის შემდეგ, საქართველოს მთავრობამ უარი თქვა საქართველოს ევროკავშირში გაწევრიანების პროცესზე, რამაც მმართველ პარტიას ძალაუფლება შეუნარჩუნა და რომელზეც ადგილობრივი დამკვირვებლები და საქართველოს პრეზიდენტი ამტკიცებდნენ, რომ ხმის მასიური გაყალბება მოხდა. მათი თქმით, გადაწყვეტილება მიღებულ იქნა საქართველოს კონსტიტუციის მიუხედავად, სადაც ევროკავშირში სრული ინტეგრაციაა ჩაწერილი, როგორც სახელმწიფოს მიზანი და მოსახლეობის დაახლოებით 80 პროცენტის ევროკავშირში გაწევრიანების სურვილი, რამაც მთელი ქვეყნის მასშტაბით საპროტესტო აქციები გამოიწვია, — ნათქვამია ანგარიშში.

სადაც ასევე ვკითხულობთ, რომ სამართალდამცავებმა პროტესტს ძალადობრივი მეთოდების გამოყენებით — ცრემლსადენი გაზის, წყლის ჭავლის, რეზინის ტყვიების და სხვადასხვა სახის ფიზიკური ძალადობის გამოყენებით უპასუხეს. სპეცრაზმი და ხელისუფლებასთან დაკავშირებული არაფორმალური ძალადობრივმა ჯგუფებმა სცემეს ოპოზიციის წარმომადგენლები და დამოუკიდებელ ჟურნალისტები და დაუსჯელად ერეოდნენ მათ მუშაობაში.

Human Rights Watch-ის ევროპისა და ცენტრალური აზიის დირექტორი, ჰიუ უილიამსონი აცხადებს, რომ საქართველოს "მთავრობას დაუნდობლად მიჰყავს ქვეყანას რეპრესიულ ეპოქაში, რომელიც საქართველოსთვის უცნობია, მაგრამ ძალიან ნაცნობია ავტორიტარულ სახელმწიფოებისთვის". მისი თქმით, ამის მიუხედავად, არასდროს არაა გვიან, რომ მთავრობამ შეცვალოს კურსი, გააუქმოს რეპრესიული კანონები, არ შეზღუდოს შეკრების თავისუფლება, შეწყვიტოს ძალადობა მომიტინგეებზე და პოლიციას ააღებინოს პროცესებზე პასუხისმგებლობა.

"მთავრობას დაუნდობლად მიჰყავს ქვეყანას რეპრესიულ ეპოქაში, რომელიც საქართველოსთვის უცნობია, მაგრამ ნაცნობია ავტორიტარულ სახელმწიფოებისთვის, მაგრამ არასდროს არაა გვიან, რომ შეცვალოს კურსი, გააუქმოს რეპრესიული კანონები, არ შეზღუდოს შეკრების თავისუფლება, შეწყვიტოს ძალადობა მომიტინგეებზე, და პოლიციას ააღებინოს პროცესებზე პასუხისმგებლობა", — აცხადებს ჰიუ უილიამსონი.