შინაგან საქმეთა სამინისტროს ცნობით, სამართალდამცავებმა თბილისის საერთაშორისო აეროპორტში ე.წ. კანონიერი ქურდი დააკავეს.

დაკავებული პირი 1952 წელსა დაბადებული და წარსულში რამდენჯერმეა ნასამართლევი. უწყების ცნობით, ის რუსეთის ფედერაციის მიერ არის დეპორტირებული.

სამართალდამცველებმა მ.გ. თბილისის საერთაშორისო აეროპორტში იმ დროს დააკავეს, როდესაც რუსეთის ფედერაციიდან საქართველოში ჩამოფრინდა. გამოძიების ვერსიით, მ.გ. 1980 წლიდან ე.წ. ქურდულ სამყაროში აღიარებულია ე.წ. კანონიერ ქურდად.

შსს-ს ცნობით, დაკავებული ბოლო წლების განმავლობაში უკრაინასა და რუსეთში იმყოფებოდა. გამოძიება კანონიერი ქურდობის ფაქტზე მიმდინარეობს.