რეპორტიორები საზღვრების გარეშე" საქართველოში მიმდინარე მოვლენებსა და საპროტესტო აქციების დროს, მედიის წარმომადგენლების მიმართ განხორციელებულ თავდასხმებს ეხმაურება. ორგანიზაცია წერს, რომ ბოლო პერიოდში საქართველოში თავდასხმის ობიექტი გახდა 70-ზე მეტი რეპორტიორი.

რეპორტიორები საზღვრებს გარეშე (RSF) გმობს პოლიციის სისტემატურ, ორგანიზებულ ძალადობას და მოუწოდებს ევროკავშირს, იმოქმედოს საქართველოს სამართალდამცავი ორგანოების დაუსჯელობის წინააღმდეგ, რაც საფრთხეს უქმნის ქვეყნის დემოკრატიას.

"ქართული ოცნება" ნამდვილი კოშმარია დემოკრატიისა და მედიისთვის, რომელიც თავისუფლების დათრგუნვის მიზნით პარტიის ქმედებებს ამხელს. პოლიციის სრული დაუსჯელობა და ახალი კანონები სერიოზულ საფრთხეს უქმნის სანდო ინფორმაციის უფლებას. ევროინტეგრაციის საკითხის გარდა, ეს მოვლენები განასახიერებს ყველაზე მნიშვნელოვან ბრძოლას საქართველოს დამოუკიდებლობისთვის რუსული გავლენისგან.

RSF სასწრაფოდ ითხოვს ევროკავშირისგან გადამწყვეტ მოქმედებას და საერთაშორისო გამოძიებას ჟურნალისტების მიმართ ჩადენილი ძალადობის შესახებ, რათა პასუხისმგებელი პირები მართლმსაჯულების წინაშე წარდგნენ", — აღმოსავლეთ ევროპისა და ცენტრალური აზიის RSF-ის ოფისის ხელმძღვანელის, ჟანა კაველიეს კომენტარს მთავარი ავრცელებს.