გერმანიის ბუნდესტაგის წევრი კნუტ აბრაჰამი საქართველოში არსებულ ვითარებას ეხმაურება და ქვეყნის საგარეო საქმეთა მინისტრს, ანალენა ბერბოკს საქართველოში ჩასვლისკენ მოუწოდებს. ამის შესახებ ინფორმაციას კნუტ აბრაჰამი სოციალურ ქსელში წერს.

"პატივცემულო მინისტრო ბერბოკ, ევროკავშირის კანდიდატ ქვეყანაში, საქართველოში სიტუაცია დღითიდღე უარესდება. "ვაიმარის სამკუთხედის" (საფრანგეთი, გერმანია, პოლონეთი) საგარეო საქმეთა მინისტრები ახლა თბილისში უნდა წავიდნენ. საქართველოს საკითხზე ევროპარლამენტის რეზოლუცია და ბალტიისპირეთის გამოცდილება წინსვლის გზას გვიჩვენებს", — წერს ბუნდესტაგის დეპუტატი.