შინაგან საქმეთა სამინისტროს ინფორმაციით, რუსთაველის გამზირზე მიმდინარე აქციაზე 6 პირი დააკავეს.

ინტერპრესნიუსის ცნობით, აქციის ექვსივე მონაწილე ადმინისტრაციული წესითაა დაკავებული.

დაპირისპირების დროს ერთ-ერთი პირი დაშავდა. მას პირველადი სამედიცინო დახმარება ჩაუტარდა.

გამომცემელთა მსოფლიო ასოციაციის (IPA) პრეზიდენტი, გვანცა ჯობავა NEWS.On.ge-სთანა აცხადებს, რომ მისი მეგობარი მხოლოდ იმიტომ დააკავეს, რომ პოლიციას ჰკითხა, რატომ აკავებდა აქციის მონაწილეებს.

"ჩემმა მეგობარმა ჰკითხა პოლიციას რისთვის აკავებო და ამ კითხვის გამო ესეც დააკავეს", — ამბობს გვანცა ჯობავა.

მომხდართან დაკავშირებით განცხადებები გაავრცელეს სახალხო დამცველი აპარატმა და ახალგაზრდა იურისტთა ასოციაციამ.

სახალხო დამცველი აპარატი წერს, რომ აპარატის თანამშრომლები ადგენენ რუსთაველის გამზირზე აქციის დროს დაკავებულ პირთა ადგილსამყოფელს და მოინახულებენ ყველა იმ პირს, რომელიც გადაყვანილი იქნება დროებითი მოთავსების იზოლატორებში.

"სახალხო დამცველის აპარატის თანამშრომლები ადგენენ რუსთაველის გამზირზე აქციის დროს დაკავებულ პირთა ადგილსამყოფელს და მოინახულებენ ყველა იმ პირს, რომელიც გადაყვანილი იქნება დროებითი მოთავსების იზოლატორებში.

სახალხო დამცველის აპარატი პროაქტიულ რეჟიმში აკვირდება აქციების მიმდინარეობას, მოქმედებს ცხელი ხაზი 1481.

სახალხო დამცველის აპარატი დაკავებულ პირთა შესახებ ინფორმაციას საზოგადოებას მოგვიანებით მიაწვდის", — ნათქვამია განცხადებაში.

საია წერს, რომ 29 დეკემბერს, დღის საათებში [14:14] შინაგან საქმეთა სამინისტროს თანამშრომლები ძალადობრივი მეთოდებით აკავებდნენ მშვიდობიანი აქციის მონაწილეებს, მათ შორის — ქალებს.

"რუსთაველის გამზირზე პოლიცია მშვიდობიან დემონსტრანტებს აკავებს.

29 დეკემბერს, დღის საათებში [14:14] შინაგან საქმეთა სამინისტროს თანამშრომლები ძალადობრივი მეთოდებით აკავებენ მშვიდობიანი აქციის მონაწილეებს, რომელთა შორის იყვნენ ქალებიც.

დაკავების პროცესს თან ისეთი ქმედებები, როგორიცაა თმების მოქაჩვა და ადამიანის მიწაზე თრევა.

ამგვარი ქმედებები არღვევს მშვიდობიანი შეკრებისა და გამოხატვის თავისუფლებას, არ შეესაბამება სამართლებრივ ნორმებსა და არის იმ რეპრესიების გაგრძელება, რაც ბოლო ერთი თვის განმავლობაში მიმდინარეობს", – წერს საია.