"ვიღაცეებს როგორც ჩანს ძალიან უნდათ, ციხეში მხოლოდ ერთი პრეზიდენტი კი არ იჯდეს, არამედ ორი, სამი", — ამის შესახებ ქართული ოცნების ერთ-ერმა ლიდერმა, მამუკა მდინარაძემ პარლამენტში გამართულ ბრიფინგზე განაცხადა, სადაც 11 საათზე ოცნების მიერ არჩეული პრეზიდენტის, მიხეილ ყაველაშვილის ინაუგურაცია უნდა დაიწყოს.

„არ გამოვრიცხავ, რომ მარგველაშვილსაც დაავალონ ისეთი რამ, რომ ისიც სისხლის სამართლის პასუხისგებაში გახდეს მისაცემი და დასაკავებელი. ესეც რა თქმა უნდა, შეიძლება რიტორიკული კონტექსტი იყოს, მაგრამ ვიღაცეებს როგორც ჩანს ძალიან უნდათ ციხეში მხოლოდ ერთი პრეზიდენტი კი არ იჯდეს, არამედ ორი, სამი. რაღაც ასეთი კონტექსტი მიჰყვება ამ თემას და კითხულობენ ახლა, სანამ იკითხავენ მანამდე გავცემ პასუხს - რა მოხდება იმ შემთხვევაში თუ სალომე ზურაბიშვილი უკანონოდ დაიკავებს პრეზიდენტის რეზიდენციას თუ სასახლეს თუ რაც ჰქვია, რა უნდა მოხდეს, მოხდება ის რაც მოხდება თქვენ, ან ნებისმიერმა ადამიანმა, სხვამ რომელიც არ არის უფლებამოსილი იმყოფებოდეს ლეგიტიმურად გარკვეულ ადგილას, რაც მოხდება იმ ადამიანის შემთხვევაში, ის მოხდება ექსპრეზიდენტის შემთხვევაშიც, მარტივია. კითხვიდანაც კი პროვოკაცია ჩანს და ქმედებიდან მითუმეტეს პროვოკაციული იქნება ქმედება თუ სალომე ზურაბიშვილი ისე დაექვემდებარება დავალებას, რომ საკუთარ პასუხისმგებლობაზე მაღლა დააყენებს დავალების შესრულების ინტერესს“, - ამის შესახებ მამუკა მდინარაძემ პარლამენტში გამართულ ბრიფინგზე განაცხადა.