საზღვაო აკადემიის ადმინისტრაციამ თანამშრომლებს ელექტრონული ფოსტით საახალწლო მისალოცი გაუგზავნა, რომელზეც რუსული დროშა ხატია. ინფორმაციას ბათუმელები ავრცელებს.

ფაქტს ადასტურებს საზღვაო აკადემიის რექტორი, მურთაზ დევაძე. მისი თქმით, შეცდომა მოუვიდა თანამშრომელს, რომელმაც მისალოცი გააგზავნა.

"ერთ-ერთმა მენეჯერმა გააგზავნა შეტყობინება და გუგლიდან ამოიღო მისალოცი, არ დააკვირდა… შემდეგ შეეცადა დაბრუნებას, წაშალა რა, მაგრამ შეეშალა რა, თვითონ მენეჯერს", — განაცხადა მურთაზ დევაძემ ბათუმელებთან.

ფაქტის ამსახველი "სქრინი" თავდაპირველად აჭარა თაიმსმა მოიპოვა.