18 წლის აქტივისტი სანდრო ქინქლაძე 12-დღიანი პატიმრობიდან გათავისუფლდა. მან წინასწარი დაკავების იზოლატორი უკვე დატოვა. სანდრო ქინქლაძეს ადმინისტრაციულ სამართალდარღვევათა კოდექსის 173-ე მუხლით გათვალისწინებულ ბრალს — პოლიციელის მოთხოვნისადმი დაუმორჩილებლობას ედავებოდნენ.

აქტივისტმა გათავისუფლების შემდეგ მედიასთან განაცხადა, რომ ბრძოლას აგრძელებს და მოქალაქეებს გვერდში დგომისთვის მადლობა გადაუხადა.

"მსგავსი მხეცების წინააღმდეგ როცა იბრძვი, მზად უნდა იყო, რომ ასეთი რაღაც მოხდება. დომენტი ხოშტარიას და იმ ხალხს, რომელიც ცენტრალური კრიმინალური განყოფილების მეხუთე სართულის მეთხუთმეტე კაბინეტში ზის, ნამდვილად ვიცი რომ სადღაც აუცილებლად შევხვდები და აუცილებლად შევხედავ თვალებში იმ უსირცხვილო ქმედებისთვის, რაც მათ ჩაიდინეს. ალბათ სატანა არ იკადრებდა ჯოჯოხეთში, რაც მათ ჩემს წინააღმდეგ გააკეთეს. თუნდაც ის რომ ჩემს ლაზერს და ტელეფონს თავში მირტყამდნენ და კოდის მოხსნას მთხოვდნენ ტელეფონზე. ძალიან სასაცილოა უკვე, მაგრამ ამით ვერავის ვერ შეაშინებენ და ამით ვერავის ვერაფერს ვერ დააკლებენ. ყველას ძალიან დიდი მადლობა, ვინც გვერდში დამიდექით ციხის ჩაკეტილ კარებში მზის შუქი რომ ვერ შემოდიოდა, ის ამბები მაინც შემოდიოდა, რამდენი ადამიანი წერდა ჩემს შესახებ და ვხედავდი რამდენი ადამიანი მიგზავნიდა სამტრედიაში სიგარეტს, თუ სხვადასხვა პროდუქტებს. ყველას ძაან დიდი მადლობა ამისთვის. არ ვიცი, ამ ვალს ოდესმე როგორ გადავიხდი, მაგრამ ყველას მინდა ვუთხრა, რომ მხნედ ვიყოთ, ერთად ვიყოთ, იმიტომ რომ რაც უფრო მყარად ვიდგებით და რაც უფრო ერთმანეთს გვერდში დავუდგებით, მალე მორჩება ეს ყველაფერი. ამ ქვეყანაში ზვიად გამსახურდიას მერე პრეზიდენტი ყაველაშვილი ნამდვილად არ უნდა იყოს.", — განაცხადა სანდრო ქინქლაძემ.