ბათუმის დელფინარიუმში 1 კვირის განმავლობაში 3 დელფინი დაიბადა. პირველი დელფინი 7 ივნისს შოუს მსვლელობის დროს გაჩნდა, რამდენიმე დღეში კი ძუძუმწოვართა ოჯახს კიდევ 2 დელფინი შეემატა.

პატარების სქესი ჯერჯერობით უცნობია. დელფინარიუმის ინფორმაციით, 7 ივნისს დაბადებულ დელფინს ნინია დაარქვეს, დანარჩენი 2-ის სახელი კი ჯერჯერობით უცნობია.

როგორც დელფინარიუმის წარმომადგენელმა რუსთავი 2-ის დილის გადაცემაში განაცხადა, ისინი დანარჩენი 2 დელფინისთვის სახელის დასარქმევად დელფინარიუმის ფეისბუკ გვერდზე კონკურსს გამოაცხადებენ.

"მატების სტატისტიკა ფიქსირდება ფეხფარფლიანთა განყოფილებაშიც. გახსნის დღიდან 5 სელაპი დაიბადა, გუდუნა, გიგუნა, სოსო, პელე და ჯონი" - წერს დელფინარიუმი.

ფოტო: ბათუმის დელფინარიუმი