სოხუმში ძლიერი წვიმის შედეგად სახლები დაიტბორა. ამის შესახებ ინფორმაციას აფხაზეთის საგანგებო სიტუაციების დე ფაქტო მინისტრი ლევ კვიცინია ავრცელებს:

"სიტუაცია ძალიან რთულია, ფაქტობრივად, ტიტოვის ქუჩაზე ყველა სახლი დატბორილია. ასეთი მდგომარეობა არამხოლოდ ამ ქუჩაზეა, ქალაქში ბევრგან ხეები მანქანებსა და შენობის სახურავებს დაეცა".

კვიცინიას თქმით, ზარალის მასშტაბების განსაზღვრა რთულია. ასევე, კალაპოტიდან გადმოვიდა მდინარე ადზაპში, რის შედეგადაც სახლების უმეტესობა დაიტბორა.