ხვალ, 15 დეკემბერს, პროტესტს ვეტერინარები, ცხოველთა მოყვარულები, ცხოველთა უფლებების დამცველები, ფერმერები და კინოლოგები შეუერთდებიან.

მათი აქცია-მსვლელობა 19:30 საათზეა დაგეგმილი. ისინი რესპუბლიკის მოედანზე შეიკრიბებიან და მსვლელობით თავისუფლებაზე წავლენ.

"ვაპროტესტებთ ე.წ მთავრობის მიერ განხორციელებულ ანტიდასავლურ ნაბიჯებს და მშვიდობიანი პროტესტანტების წამებას, ფიზიკურ თუ ფსიქოლოგიურ ანგარიშსწორებას. ვაგრძელებთ ბრძოლას გამარჯვებამდე, როგორც საკუთარი მეგობრებისა და ოჯახის წევრების, ისე ჩვენი ოთხფეხა მეგობრების მომავლის დასაცავად: — აცხადებენ ორგანიზატორები.