საპარლამენტო უმრავლესობის ლიდერი, მამუკა მდინარაძე ქართული ოცნების საპატიო თავმჯდომარე ბიძინა ივანიშვილისა და საფრანგეთის პრეზიდენტ ემანუელ მაკრონს შორის გამართულ სატელეფონო საუბარს გამოეხმაურა.

"სალომე ზურაბიშვილს ვურჩევ, მკაცრად გააკრიტიკოს თავისი მეგობარი მაკრონი, რომელმაც საკუთარი ინიციატივით, ბიძინა ივანიშვილთან საუბარი გამართა", — თქვა მდინარაძემ.

მდინარაძის თქმით ზურაბიშვილმა მართლა შეიძლება გააკრიტიკოს მაკრონი "ისე არიან გასულები მომსახურების ზონიდან".

"ეს შეიძლება მართლა გააკეთონ, ისე არიან გასულები მომსახურების ზონიდან, მაგრამ

ცივილიზებულ სამყაროში ჩვენ გვეიმედება ხალხი, რომ საბოლოოდ, იმ არასწორი და უსამართლო დამოკიდებულების მიუხედავად, თუნდაც პარალელურად, ისინი შეეცდებიან საუბარს დამოუკიდებელი ქვეყნის ხელისუფლებასთან, მისი პარტიის დამფუძნებელთან, მისი პარტიის წარმომადგენლებთან, ხელისუფლების სხვა წარმომადგენლებთან და ასე შემდეგ", — განაცხადა მდინარაძემ.

ცნობისთვის, პარტია ქართულმა ოცნებამ დღეს გაავრცელა ინფორმაცია, რომ საფრანგეთის პრეზიდენტ ემანუელ მაკრონსა და ოცნების საპატიო თავმჯდომარე ბიძინა ივანიშვილს შორის სატელეფონო საუბარი შედგა. იმავე წყაროს ცნობით, საუბარი მაკრონის ინიციატივით გაიმართა და ერთ საათს გაგრძელდა.

ამასთან, გავრცელებული ინფორმაციით, მხარეები შეთანხმდნენ, რომ მომდევნო დღეებში კონტაქტი ისევ შედგება.