სირიაში ბაშარ ასადის რეჟიმის დაცემა ახლო აღმოსავლეთში ახალი თავის დასაწყისია — ამის შესახებ ისრაელის პრემიერმინისტრმა ბენიამინ ნეთანიაჰუმ განაცხადა.

ნეთანიაჰუს თქმით, რეჟიმის კოლაფსი იმ დარტყმების პირდაპირი შედეგია, რომლებიც ისრაელმა მიაყენა ჰეზბოლასა და ირანს.

როგორც ისრაელის პრემიერ-მინისტრმა პრესკონფერენციაზე განმარტა, ჰეზბოლას ლიდერის, ჰასან ნასრალას ლიკვიდაცია გადამწყვეტი იყო ირანის ე.წ. წინააღმდეგობის ღერძის დასასუსტებლად, რომელიც მოკავშირე სახელმწიფოებისა და შეიარაღებული დაჯგუფებებისგან შედგება.

"ვინც ჩვენთან თანამშრომლობს, იგებს. ვინც ჩვენ წინააღმდეგაა, აგებს", — განაცხადა ისრაელის პრემიერ-მინისტრმა.

ნეთანიაჰუს განცხადებით, ისრაელი განაგრძობს თავისი უსაფრთხოების უზრუნველყოფას გოლანის მაღლობებზე პოზიციების შენარჩუნებით.