ჟურნალისტთა დაცვის კომიტეტი TV პირველის გადამღებ ჯგუფზე თავდასხმას ეხმიანება და ხელისუფლებას თავდასხმაზე პასუხისმგებელი პირების დაკავებისკენ მოუწოდებს.

"ჟურნალისტთა დაცვის კომიტეტი საქართველოს ხელისუფლებას მოუწოდებს, ჩაატაროს სრული გამოძიება ოპოზიციური ტელეკომპანია TV პირველის გადამღებ ჯგუფზე თავდასხმაზე, როცა მათ 7 დეკემბერს მიმდინარე პროევროპული პროტესტის პირდაპირ ეთერში გაშუქების დროს, 10-ზე მეტი ნიღბიანი პირი დაესხა თავს", — ვკითხულობთ განცხადებაში.

როგორც ჟურნალისტთა დაცვის კომიტეტის ევროპისა და ცენტრალური აზიის პროგრამის კოორდინატორი ამბობს, ჟურნალისტებზე თავდასხმის ფაქტი, განსაკუთრებით შემაშფოთებელია პროტესტის გაშუქების დროს მედიის წარმომადგენლების მიმართ სამართალდამცველების მხრიდან ძალადობის ფონზე.

CPJ-ის განცხადებაში ასევე ნახსენებია პუბლიკის ჟურნალისტზე, მინდია გაბაძეზე განხორციელებული თავდასხმასაც.

7 დეკემბერს, TV პირველის ჟურნალისტს მაკა ჩიხლაძესა და მის ოპერატორ გიორგი შეწირულს "ტიტუშკები" დაესხნენ თავს და ფიზიკურად გაუსწორდნენ, ორივე მათგანი კლინიკაშია გადაყვანილი.

მანამდე, 6 დეკემბერს, "ტიტუშკები" რუსთაველის ასევე თავს დაესხნენ პუბლიკის ჟურნალისტს მინდია გაბაძეს, ონლაინმედიის მიერ გავრცელებულ კადრებში ჩანს, რომ პოლიცია იქვეა, მაგრამ არ რეაგირებს.