თბილისის საქალაქო სასამართლომ აღკვეთის ღონისძიების სახით ორთვიანი პატიმრობა შეუფარდა საპროტესტო აქციაზე დაკავებულ 18 წლის საბა ჯიქიას. ის პოლიციელზე თავდასხმის ბრალდებით 5 დეკემბერს დააკავეს. დანაშაული 7 წლამდე ვადით თავისუფლების აღკვეთას ითვალისწინებს.
გადაწყვეტილება თბილისის საქალაქო სასამართლოს მოსამართლემ დავით მგელიაშვილმა მიიღო.

დაცვის მხარე ბრალდების შუამდგომლობას არ დაეთანხმა. ადვოკატ ნინო მჭედლიშვილის განმარტებით, საერთოდ არ იკვეთება, რომ ის დანის კი არა, რაიმე სახის მჩხვლეტავ-ბასრი საგნის გამოყენებას არ აპირებდა. ადვოკატის თქმით, 18 წლის სტუდენტი ციხეში არ უნდა გაუშვან, ის წარსულში ნასამართლევი არაა და არანაირი სამართალდარღვევა არ ჩაუდენია.

მოსამართლე დავით მგელიაშვილმა მიიღო ორთვიანი პატიმრობა შეუფარდა ანზორ კვარაცხელიასაც. შსს-ს ინფორმაციით მან პირველ დეკემბერს, რუსთაველის გამზირზე შსს-ს თანამშრომლებს ე.წ. მოლოტოვის კოქტეილი ესროლა.