რუსეთმა აფხაზეთიდან მანდარინის იმპორტი აკრძალა — ამის შესახებ განაცხადა ოკუპირებული აფხაზეთის ე.წ. პრემიერმინისტრის მოვალეობის შემსრულებელმა, ვალერი ბგანბამ.

"რუსულმა მხარემ აკრძალა მანდარინის იმპორტი აფხაზეთიდან სანიტარული სამსახურების გადაწყვეტილებით", — აღნიშნა ბგანბამ.

როგორც რუსული მედია წერს, ზამთრის პერიოდში, აფხაზი ფერმერებისთვის შემოსავლის მთავარი წყარო რუსეთში მანდარინის ექსპორტია. მიმდინარე სეზონზე აფხაზეთიდან რუსეთში 36 000 ტონამდე ციტრუსის იმპორტი იგეგმებოდა.