კატეგორიულად ვგმობთ მშვიდობიანი მომიტინგეების მიმართ გაჩაღებულ ძალადობას - თბილისის ქუჩებში ცრემლსადენი გაზის, რეზინის ტყვიების, წყლის ჭავლის, ცემისა და მასობრივი დაკავებების ადგილი არ არის, - ამის შესახებ აშშ-ის ჰელსინკის კომისიის თანათავმჯდომარე, სენატორი ბენ კარდინის, სენატორების როჯერ ვიკერისა და ჯონ კორნინის ერთობლივ წერილში წერია, სადაც საქართველოში მიმდინარე მოვლენებს ეხმაურებიან.

მათი თქმით, ეს დემოკრატიული რეფორმებისა და პლურალიზმის ერთგული მთავრობის ქცევა არ არის.

"ქართული ოცნების გადაწყვეტილება უარი თქვას ევროკავშირში გაწევრიანებაში მოლაპარაკებებზე არის უხეში ღალატი ქართველი ხალხის მკაფიო და დამაჯერებელი სურვილის მიმართ აითვისოს ევროპული ღირებულებები და ინსტიტუტები.

ეს არის არა დემოკრატიული რეფორმებისა და პლურალიზმისკენ მიდრეკილი მთავრობის ქცევა, არამედ არასაიმედო რეჟიმის ქცევა, რომელიც საქართველოს მიათრევს რუსული სტილის ავტოკრატიისკენ. ეს ქმედებები უხეშად არღვევს საერთაშორისო დემოკრატიულ ნორმებს და ძირს უთხრის ქართველი ხალხის ლეგიტიმურ მისწრაფებებს. კატეგორიულად ვგმობთ მშვიდობიანი მომიტინგეების წინააღმდეგ გაჩაღებულ ძალადობას - თბილისის ქუჩებში ცრემლსადენი გაზის, რეზინის ტყვიების, წყლის ჭავლის, ცემისა და მასობრივი დაკავებების ადგილი თბილისის ქუჩებში არ არის. საქართველოს ხელისუფლებას, რომელიც პასუხისმგებელია ადამიანის უფლებების დარღვევასა და დემოკრატიული პრინციპების ეროზიაზე, საკუთარი ხალხისა და საერთაშორისო საზოგადოების მხრიდან პასუხი უნდა აგოს

ქართველი ხალხის თავგანწირვა ევროატლანტიკური ინტეგრაციისთვის მოითხოვს ჩვენს სოლიდარობას და მოქმედებას", — აღნიშნულია განცხადებაში.