კონგრესმენი ჯო უილსონი მოითხოვს ბიძინა ივანიშვილსა და მის გარემოცვას აშშ-მა სანქციები დაუწესოს. ამის შესახებ ინფორმაციას უილსონი სოციალურ ქსელში ავრცელებს.

"აუცილებლად უნდა დავუწესოთ სანქციები რუსეთის არალეგიტიმურ მარიონეტებს, რომლებიც ქართველ ხალხს თავს ესხმიან და მათ სუვერენიტეტს ართმევენ. მათ შორის ბიძინა ივანიშვილსა და მის ამფსონებს“, — წერს უილსონი პლატფორმა X-ზე.

უილსონი, რომელიც აშშ-ის არჩეული პრეზიდენტის, დონალდ ტრამპის მოკავშირეა, აქვეყნებს ამონარიდს 2020 წელს მისი და კიდევ 12 კონგრესმენის მიერ შემუშავებული დოკუმენტიდან, სადაც წერია, რომ 13 ამერიკელი კონგრესმენი ბიძინა ივანიშვილისთვის, როგორც "ვლადიმერ პუტინის ახლო მოკავშირისთვის", სანქციების დაწესებას ითხოვდა.