ვის ემსახურებით, რას ემსახურებით?! რუსეთს გინდათ ემსახუროთ?, — ამ სიტყვებით მიმართა სალომე ზურაბიშვილმა საქართველოს ელჩებს.

"მინდა მივმართო ელჩებს, ერთხელ უკვე მოგმართეთ. დღეს რაღას აკეთებთ?! ვის ემსახურებით, რას ემსახურებით?! სად ხართ, ხომ წარმოგიდგენიათ რა აბსურდში ცხოვრობთ?! და თქვენ არ გიჭირთ იქ ცხოვრება, თქვენ გაქვთ დანაზოგებიც, ყველაფერი. იფიქრეთ თქვენც, რომელ ქვეყანას, რუსეთს გინდათ ემსახუროთ? და ხვალ აქ რუსეთია თუ ყველამ ჩვენს ადგილას არ ამოვიღეთ ხმა", — მიმართა პრეზიდენტმა, სალომე ზურაბიშვილმა საქართველოს ელჩებს.