საქართველოს მესამე პრეზიდენტი, მიხეილ სააკაშვილი ქართული ოცნების მიერ პრეზიდენტობის კანდიდატად მიხეილ ყაველაშვილის დასახელებას გამოეხმაურა და აღნიშნა, რომ "საქართველო სახელმწიფოებრიობის განადგურების დასკვნით სტადიაში შევიდა".

სააკაშვილი სოციალურ ქსელში წერს, რომ ამის მიზანი არის ქართველი ხალხის თვითშეფასების მაქსიმალურად დაქვეითება.

"უკანასკნელი მსგავსი შემთხვევა მოხდა რომის იმპერიაში, როდესაც კალიგულამ თავისი ცხენი დანიშნა სენატში. ამის მიზანია ქართველი ხალხის თვითშეფასების მაქსიმალურად დაქვეითება", — წერს სააკაშვილი.

შეგახსენებთ, დღეს, 27 ნოემბერს, პარტია ქართულმა ოცნებამ საქართველოს მეექვსე პრეზიდენტის თანამდებობაზე მიხეილ ყაველაშვილი წარადგინა.