საქართველოს კომუნიკაციების ეროვნული კომისია ადგილობრივი თვითმმართველობის არჩევნების წინასაარჩევნო პერიოდში 49 ტელემაუწყებელს დააკვირდება. კომისია ტელევიზიების 24-საათიან მონიტორინგს პირველ სექტემბერს დაიწყებს.

კომუნიკაციების კომისიამ წინასაარჩვენო პერიოდში საერთო მაუწყებლებს ვალდებულებები შეახსენა:

  • გადასცეს წინასაარჩევნო დებატები და არადისკრიმინაციულად უზრუნველყოს ყველა საარჩევნო სუბიექტის თანაბარი მონაწილეობა წინასაარჩევნო დებატებში;

  • საზოგადოებრივი მაუწყებლის არხებმა საუკეთესო დროს გადასცეს წინასაარჩევნო დებატები;

  • არჩევნების გაშუქების დროს დაიცვან მიუკერძოებლობისა და სამართლიანობის პრინციპი.

ტელევიზიების მონიტორინგს ატარებს საქართველოს ჟურნალისტური ეთიკის ქარტიაც. ქარტია საზოგადოებრივი მაუწყებლის პირველი არხის, რუსთავი 2-ის, იმედის, TV პირველის, ობიექტივის, საზოგადობრივი მაუწყებლის აჭარის ტელევიზიის, ტელეარხი 25-ის, რიონის, გურჯაანის, თრიალეთის, ქვემო ქართლის ტელევიზიის, მეცხრე არხის, ოდიშისა და გურიის მთავარ საინფორმაციო გამოშვებებს 19 ივნისიდან აკვირდება. საზოგადოებრივ-პოლიტიკური პროგრამების მონიტორინგი კი 22 აგვისტოს დაიწყო.

თვითმმართველობის არჩევნები 21 ოქტომბერს გაიმართება.