მთავრობის ადმინისტრაციის პრესსამსახურის ინფორმაციით, ატენის ხეობაში გუშინ, 22 აგვისტოს გაჩენილი ხანძრის ყველა კერა ლიკვიდირებულია. სოფელ ზემო ბოშურის მიმდებარედ, ტყეში გაჩენილ ხანძარს სამხედრო მოსამსახურეები მთელი ღამის განმავლობაში აქრობდნენ.

"თავდაპირველად ხანძრის კერების ნიჩბებით ლოკალიზება მოხდა, მოგვიანებით კი, ხანძრის ქრობა წყლის ჭავლით განხორციელდა", - განმარტავენ პროცედურებს მთავრობის ადმინისტრაციაში.

მათივე განმარტებით, ნახანძრალ ტერიტორიაზე რამდენიმე ათეული სამხედრო მოსამსახურე დარჩება, ჯარისკაცებს ტერიტორიის ორი დღის განმავლობაში მონიტორინგი ევალებათ.

დაახლოებით 15 საათის წინ ინფორმაცია გავრცელდა, რომ გორში, ატენის ხეობაში და ჟივალში ხანძარი იყო. საგანგებო სიტუაციების მართვის სამსახურში განმარტავდნენ, რომ ჟინვალის ხეობაში ცეცხლის გავრცელების საშიშროება მალევე გაქარა.