ამ დროისათვის, არასამთავრობო ორგანიზაციების ერთიან ცხელ ხაზზე 12 დაკავებულის შესახებ შევიდა ინფორმაცია, — ამის შესახებ სოციალურ ქსელში ახალგაზრდა იურისტთა ასოციაციის თავმჯდომარე, ნონა ქურდოვანიძე წერს.

"ამ დროისათვის არასამთავრობო ორგანიზაციების ერთიან ცხელ ხაზზე 577 07 05 63, შემოვიდა ინფორმაცია 12 დაკავებულის შესახებ. ადვოკატები მათი ადგილსამყოფლის დადგენას ცდილობენ, არავის დავტოვებთ ადვოკატის დახმარების გარეშე", — წერს ნონა ქურდოვანიძე.

მელიქიშვილის გამზირზე, პოლიციასა და აქციის მონაწილეებს შორის ფიზიკური დაპირისპირება მას შემდეგ დაიწყო, რაც პოლიცია მელიქიშვილის გამზირზე გამოჩნდა და მომიტინგეებს გამზირის დატოვებისკენ მოუწოდა. დაკავებულთა შორის იყვნენ მთავარი არხის ოპერატორი სერგი ბარამიძე, რომელიც ამ დროისთვის უკვე გათავისუფლებულია.