დღეს, 18 ნოემბერს ევროკავშირის საბჭომ განცხადება გაავრცელა, სადაც მხარდაჭერას უცხადებს ქართველებს ევროინტეგრაციის გზაზე, თუმცა შეშფოთებას გამოხატავს საქართველოს მთავრობის მოქმედების კურსის გამო.

განცხადებაში ასევე წერია, რომ საქართველოს საკითხი საგარეო საქმეთა საბჭოს დღის წესრიგშია.

"ევროკავშირი მზადაა მხარი დაუჭიროს ქართველ ხალხს ევროკავშირისკენ მიმავალ გზაზე. თუმცა, სერიოზულად შეშფოთებულია საქართველოს მთავრობის მოქმედების კურსის გამო, რომლებიც ეწინააღმდეგება ევროკავშირის ღირებულებებსა და პრინციპებს", — ვკითხულობთ განცხადებაში.