"თქვენ იყავით ამ ძალიან უსამართლო ბრძოლაში პირველ ფრონტზე და თქვენ იყავით ის ჯარი, რომელიც იცავდა ჩვენს ხმებს", -ასე მიმართა პრეზიდენტმა, სალომე ზურაბიშვილმა ადგილობრივ სადამკვირვებლო მისიებს შეხვედრაზე.

"მე ყველას მინდა ძალიან დიდი მადლობა მოგახსენოთ, ჩემი პირადი სახელით, მაგრამ ჩემი პირადი სახელი, სანამ რამდენიმე პარასკევი კიდევ მაქვს, არის ასევე საზოგადოებისა და ამ ქვეყნის სახელით - ძალიან დიდი მადლობა. თქვენ იყავით ამ ძალიან უსამართლო ბრძოლაში პირველ ფრონტზე და თქვენ იყავით ის ჯარი, რომელიც იცავდა ჩვენს ხმებს. ახალი მტკიცებულებები ნამდვილად არ არის საჭირო. ყველამ ვიცი და დავრწმუნდით იმაში, რომ ყველაზე მთავარი პრინციპი იყო დარღვეული ამ არჩევნებში. [...]

თქვენ ხართ ის ცოცხალი მოწმეები, რომლებიც არსად არ წავლენ და რომელიც დარჩებიან, როგორც ყველაზე მთავარი მტკიცებულება. თქვენი გამოცდილება არ დაიკარგება. შედგება ახალი არჩევნები, როდის და როგორ, ეს ჯერ არ ვიცით. ეს არჩევნები არ შედგა და ამას არავინ შეეგუება. ამიტომ, თქვენი გამოცდილება, თქვენი ხვალინდელი ბრძოლა, შეიძლება ითქვას, რომ კიდევ უფრო მნიშვნელოვანი იქნება. თქვენ ხართ ის ადამიანები, რომლებიც ხვალინდელ არჩევნებში კიდევ უფრო კარგად დაიცავთ ჩვენს ხმებს. გექნებათ გამოცდილება, გეცოდინებათ უფრო მეტად რას უნდა მიაქციოთ ყურადღება", — განაცხადა სალომე ზურაბიშვილმა.