ბჟანიას პრესსამსახური ინფორმაციას ავრცელებს, რომლის მიხედვითაც, დე ფაქტო პრეზიდენტის ადმინისტრაცია საინვესტიციო შეთანხმების კანონპროექტის რატიფიცირების პარლამენტიდან გატანის შესახებ დოკუმენტს ამზადებს.

"ეს გადაწყვეტილება რესპუბლიკაში სიტუაციის სტაბილიზაციის მიზნით იქნა მიღებული", — ვკითხულობთ გავრცელებულ განცხადებაში.

ამასთან, პროტესტის მონაწილეებმა გადაწყვეტილების მისაღებად დე ფაქტო ხელისუფლებას 20 წუთი მისცეს.

რუსული მედიის ცნობით, მომიტინგეებმა ე.წ. პარლამენტის ფანჯრები შეამტვრიეს და შენობაში შევიდნენ.

ამასთან, აფხაზური ტელეგრამ არხის ინფორმაციით, ძალოვანი სტრუქტურების წარმომადგენლები "ხალხს წინააღმდეგობას არ უწევენ".

აფხაზეთის დე ფაქტო რესპუბლიკის სამთავრობო შენობა პროტესტის მონაწილეებით არის გარშემორტყმული.