გამოცემა The Telegraph-ი წერს, რომ დიდი ბრიტანეთის პრემიერმინისტრი კირ სტარმერი და საფრანგეთის პრეზიდენტი ემანუელ მაკრონი "საბოლოოდ" შეეცდებიან დაარწმუნონ აშშ-ის პრეზიდენტი ჯო ბაიდენი, რომ Storm Shadow-ის ტიპის რაკეტებით უკრაინას დართოს ნება რუსეთის სიღრმეში არსებულ სამიზნეებს დაარტყას.

ამასთან, არის მოლოდინები, რომ მაკრონი და სტარმერი შეეცდებიან, რომ ხელი შეუშალონ აშშ-ის ახლად არჩეული პრეზიდენტის, დონალდ ტრამპის სწრაფვას, რომ უკრაინას შეერთებული შტატების მხრიდან მხარდაჭერა შეუმციროს.

როგორც გამოცემა იუწყება, მაკრონი და სტარმერი ამის შესახებ 11 ნოემბერს, პარიზში იმსჯელებენ.

ბრიტანელი მაღალჩინოსნები გამოთქვამენ იმედს, რომ ბაიდენი, რომელიც ცდილობს თავისი საგარეო პოლიტიკის მემკვიდრეობის განმტკიცებას, საბოლოოდ იმ ნებართვას გასცემს, რომლისკენაც კიევი თვეები განმავლობაში ესწრაფოდა.

უკრაინის ხელისუფლება მიიჩნევს, რომ რაკეტების გამოყენება რუსეთის ტერიტორიის სიღრმეში შორი დისტანციის იერიშებისთვის, ომის მიმდინარეობის შეცვლას ხელს შეუწყობს.

The Telegraph-ი ასევე წერს, რომ წინასაარჩევნო კამპანიაში დონალდ ტრამპი აცხადებდა, რომ უკრაინაში ომს "პირველ დღეს დაასრულებდა. გაჩნდა შეშფოთება, რომ ის აიძულებს უკრაინას, დათმოს ტერიტორიები, რომლებიც რუსეთმა დაიკავა".

როგორც ზელენსკი ამბობს, იგი რუსეთისთვის დათმობას არ აპირებს.