ამერიკის პრეზიდენტის მთავარმა სტრატეგმა, სტივ ბენონმა, თანამდებობა დატოვა. ინფორმაციას BBC ავრცელებს.

ბენონი მემარჯვენე ნაციონალისტია. მას ტრამპის წინასაარჩევნო კამპანიის დაგეგმვაში დიდი წვლილი აქვს შეტანილი.

როგორც ცნობილია, ამ კვირაში ბენონმა American Prospect-ს ინტერვიუ მისცა, სადაც თქვა, რომ მას საკმარისი ძალაუფლება გააჩნია იმისთვის, რომ სახელმწიფო დეპარტამენტში ოფიციალური პირები გადააყენოს და პრეზიდენტს ჩრდილოეთ კორეასთან დაკავშირებით მიღებული გადაწყვეტილებები შეაცვლევინოს.

გავრცელებული ინფორმაციით, ინტერვიუმ ტრამპის უკმაყოფილება გამოიწვია.