პარტია საქართველოსთვის ლიდერი გიორგი გახარია აცხადებს, რომ ტრამპის გამარჯვებით ქართული ოცნების არსებული პრობლემები კიდევ უფრო დამძიმდება.

"წარმოდგენა არ აქვს ოცნებას დღეს რაზე საუბრობს. უბრალოდ, დარწმუნებული ვარ, რომ რესპუბლიკელების გამარჯვების პირობებში "ქართული ოცნების" პრობლემები კიდევ უფრო დამძიმდება. უბრალოდ მათ არ აქვთ წარმოდგენა იმაზე, როგორ ფუნქციონირებს საერთოდ სახელმწიფო, განსაკუთრებით ამერიკის შეერთებული შტატები. [...] მე ვფიქრობ, რომ ოცნება ძალიან ცდება თუ ფიქრობს, რომ ტრამპის გამრჯვების პირობებში მათ რაიმე შემსუბუქება ელოდებათ — არა, პირიქით. ვფიქრობ, რომ შეერთებული შტატების პოზიცია საქართველოსთან მიმართებით იქნება კიდევ უფრო მკაცრი" — თქქვა გახარიამ.