ვის მოგენატრათ ადამსების უცნაური, მისტიკით მოცული ოჯახი? თუ ჩვენსავით ელით უენსდეის ახალ თავგადასავლებს, უნდა გაგახაროთ — ნეტფლიქსზე Wednesday-ს მეორე სეზონს სულ მალე, 23 ნოემბერს ვიხილავთ!

სერიალის პირველ სეზონს დიდი წარმატება ხვდა წილად. გენიალური რეჟისორის, ტიმ ბარტონის მიერ გადაღებულმა ნამუშევარმა 12 ემის ნომინაცია მოიპოვა, მათ შორის მთავარი როლის შემსრულებელი ქალის, რომელიც ჯენა ორტეგამ დაიმსახურა.

ჯენა ორტეგა ნეტფლიქსის სერიალში Wednesday

ფოტო: Netflix

მეორე სეზონის სიუჟეტზე ჯერჯერობით ცოტა რამაა ცნობილი. როგორც Wednesday-ს პროდიუსერები იუწყებიან, მეორე სეზონში ადამსების ოჯახის ახალ წევრებს გავიცნობთ. ასევე, ვიცით ის, რომ ახალი სერიები ირლანდიაშია გადაღებული. როგორც ჩანს, ახალი ნიუანსებით გამდიდრდება თინეიჯერი უენსდეის ურთიერთობა დედამისთან, მორტიცია ადამსთან, რომლის როლს სერიალში მსახიობი კეტრინ ზეტა-ჯონსი ასრულებს.

ფოტო: Netflix

ჯენა ორტეგას თქმით, ახალ სეზონში თინეიჯერთა დრამატულ სიყვარულზე მეტად საშინელებათა ჟანრის დეტალებს ვიხილავთ. ერთი სიტყვით, საინტერესო სეზონი გველის!