საქართველოს სახალხო დამცველის აპარატი აცხადებს, რომ ევროპის სხვადასხვა ქვეყნიდან უნებართვოდ მცხოვრები საქართველოს 86 მოქალაქის დაბრუნების პროცესისას რაიმე ინციდენტს ადგილი არ ჰქონია.

პრევენციისა და მონიტორინგის დეპარტამენტის თანამშრომელი თბილისდან გერმანიის ქალაქ დიუსელდორფისა და საბერძნეთის დედაქალაქ ათენის აეროპორტებშგაემგზავრა.

ომბუდსმენის აპარატის ცნობით, ჩატარებული მონიტორინგის შედეგად, დაბრუნების ოპერაციის განმავლობაში ძალისა და სპეციალური საშუალებების გამოყენება არ მომხდარა:

"დადებითად უნდა აღინიშნოს მიგრანტებისათვის თვითმფრინავის ბორტზე საინფორმაციო ბუკლეტების დარიგება, რომელშიც მოცემულია ინფორმაცია საქართველოში დაბრუნებულ მიგრანტთა სარეინტეგრაციო დახმარების სახელმწიფო პროგრამის შესახებ.

აღსანიშნავია, რომ კვლავ პრობლემად რჩება დასაბრუნებელი პირების ოჯახთან სატელეფონო კავშირის უზრუნველყოფა. წინა მონიტორინგების მსგავსად, აღნიშნული პირების ტელეფონით სარგებლობის უზრუნველყოფა განხორციელდა მხოლოდ სახალხო დამცველის აპარატის პრევენციისა და მონიტორინგის დეპარტამენტის თანამშრომლის მიერ ფრონტექსის წარმომადგენლებისათვის პრობლემის შეტყობინების შემდგომ".